Korsika 2017 aka Pleiten, Pech und Pannen

Äs cha ja nid immer aues loufä wi mä sächs het vorgsteut. U ds Schlimmschtä: ke Wifi.. :-)

...u no ds zuäfäuigä Träffä mit dä Parentis wo ufem Wäg uf Liguriä si. Äs nätts Käfäli ufem Simplon zum Feriäiklang. U Lenny wo aus Areiz für id Kamera z luägä äs Gudi überchunnt. So isch doch jedä irgendwiä bestächläch...

...u wo mir bim Hafä achömä wärdä mir mitem Hiwis beglückt, das d Fährä nid um Mitternacht sondern am haubi 4i fahrt ufgrund starchä Gwitter ufem Meer...

3 hours waiting to the ferry. Just stay lazy:-)

...u da chunnt üsi Looneytunes-Arche Noah doch ono ds Genua a...

...der Cruiser kennt sis Plätzli im ja Schiffli scho...

...u muäss säch dank guäter Gseuschaft nid allei füählä...

U da im Auter 3 Stung Schlaf längä, hani der schön Sunnäufgang grad no verwütscht.

...ds obligatä Selfie. Ds Conny pfuset ja schliässläch no...

Eifach wüus sones hammer Sujet isch gsi...

U mir si du mau los Richtig désert de agriates...

Ds Ghouper laht nid lang uf säch lah wartä...

Eigäartigi Radstellig vom Scenic. Äch nid ganz z geignetä Modäu für is Gländ?

U häbet näch Fescht: mir hei ä nöiä "luxury-room":-)

Büäbu uf der Jagt nach Gault Miallau Pünkt🤗

Am Tag druf hei mir ds Nachbarssträndli agstüret...

...ächt schön bis d Boot d Touris aschipperä...

De widmä mir üs doch der Nahrigsufnahm:-)

...üses Nachbarshündi ufem U Paradisu...

...quasi Taxis wo d Bsuächer a di abglägnerigä Ortä bringä... geili Eimer😎

U nach drü Relaxingtäg ziäh mir o witer...

Plage du Ghignu

Wo mir ganz unerwartet uf witeri Verchehrsteilnähmer stossä. Chunnt äch ono ä Amplä oder ä Kreisu😊

Ds Pöisäli für di hertä Offroadjungs u Strichueinheitä für Scooby

...fasch ä chli touristisch mit au denä Navettlis...

...der Beach entlöhnt für di houperefi Afahrt...

...u nei, das ufem Schluchböötli si kener Flüchtigä, di chöi numä mit der Yacht nid ganz a Strand. Das hei si dervo😋

A däm Strand hei mir d Linda u Rämu lehrä kennä. Si si ds Fuäss cho nach däm si hei gmerkt dass säch der Tiguan nid würkläch eignet.

uf der Rückfahrt hets zuäzogä. Derfür hei mir quasi Hustier gseh...

Ganz schön steinig. Guät isches nid chi schiffä🤔

Calvi

Am Abä hei mir du no mit der Linda u Römu vo Schawarzäburg z Calvi abgmacht u hei ä Strandtag igleitet. Guät trifft mä no Lüt us der Heimat. Süsch müässt mä no mir Iheimischä afä redä😉

Äs Tröimli vom nä Camping. Böim u nä Schallschutzwand mit kiffendä Jugendlächä aus Nachbarä...

Pleite 1

Bim Manövrierä het Büäbu d Krückä vom Conny überfahrä. Si isch zum Glück nüm dranghanget🙃

U da sächs mit brochnigem Fuäss u defektä Krückänä gar nid so guät louft hei mir üs zur Ufgab vom astehendä Tag gmacht, äs paar schiggi Krückänä für ds Conny ufdstrbä.

Het bekanntläch im Septämber quasi kener Lüt...

Ds Conny het säch no ä sympathischä Korsar aglachet. Chli ä mutzä Cheib dünkts mi. Derfür si d Krückä hübsch, nid?

U am Abä si mir no gmüätläch ga z Nächtlä mit denä zwenä... sympha!

Si du no chli uf der Inslä umägondlet wöu mir no hei wöuä ga Offroadä, was mir du glich nid hei gmacht wöus mega het afä schiffä u mir chl ds Hösli hei vou gha wägä Ärdrutsch.

U du simer uf nä schönä Camping im Tal diräkt am nä Flüssli

Äa läbt im Fau no. Ha aber o müässä ga luägä🤓

D Bärgä im Hingergrund womä leider mit der Handycam nid ganz real cha erfassä

Porto Vecchio uf der Durchreis. Quasi wi der Asiat z Interlakä.

Jaaa, u ä Havaianas-Shop. Ds Conny het sit ihrer zwöijährigä Suächi ihres userwähltä Paar hiä gfundä😉

Nid z vergässä, gemeinsam Fett wärdä. Si vo Mau zu Mau erfolgricher....

Der obligat Blick ufä Hafä. Nid öppä wöus schön wär.

Bonifacio

Ganz schön steil u ds Conny sit denä Feriä d Schulterbreiti vo Arnold

Mä söu ja ging smart lächlä wemä gföttälet wird

O ging härzig d Gsichtsusdrück vo denä wo säch is Foto drängä z beachtä😩

Aber vom Städtli heit dir ja no chli wöuä Biudli güggslä

Worst Camping ever🤢 aber diräkt ir Stadt

Am Tag deuf hets gstürmt wini no niä ha erläbt. Über 100KM/H...

Sones Gotteshuus git ging wieder äs guäts Sujet ab

Panne 1

Ds unmüglächä isch Itroffä. Der Land Cruiser ä Pannä.

Mir si du vo Bonifacio gredi ufä richtig Ajaccio. Nachdäm das der Cruiser scho ds Bonifacio mau ke Gas het agnoh, het ärs ds Ajaccio wieder gmacht. Nach paar mau startä isch aubä wieder für nä Momänt gangä. So si mir zur Toyota Garage ds Ajaccio. Zum Glück si mir grad dert gsi. Het nur zwöi würklächi Toyota Verträter uf der Inslä.

Mir si am 11i da gsi. U si hei am 4i ersch Zit gha fürd Diagnosä. Nachdäm mir d Zit gnützt hei für Ajaccio ga azluägä, si mir uf die vieri wieder zu Toyota. Gäg di haubi 6i hei si afä Diagnosä machä. Ds Grät het agäh, dass der Gaspedalsensor im Himmu sig.

So hei mir am TCS aglütä u di hei ganzi Arbeit gleischtet. Mir si mitem Taxi a Flughafä u hei üsä Berlingo übercho😊

Ei Nacht hei mir immeehin no chönnä im Dachzäutli pfüsälä. Ds Commy het mitem fasch ganz verheiletä Fuäss tiptop ufächönnä👍

Ds Teili brucht 3 Tag bises da isch. Byebye Toyota😢

U so hei mir üs ä schönä Camping ds Ajaccio gsuächt u äs paar Relaxingtagä igrichtet

U mit denä nöiä Umständ hei mir üs ir Nöchi ä schönä Camping gsuächt und üs ä nätti Zit igrichtet.

Vorbiudläch wini bi u da mä nid nur cha ässä hani mi ar Joggingrundi gwidmed. (Der einzig Sport i 3 Wuchä🙈)

U am Abä hei mir no d Josephine (niämer weiss me wi si richtig heisst) zum Znacht mitgno.

Joa, u am nächschtä Tag hani ds Conny zum Flughafä bracht. Si isch id CH anes Hochzit.

U i ha mi la überraschä ob der Land Cruiser wieder louft us mir längt für ufd Fährä am Abä richgig Genua.

U i bi zu Toyota gfahrä u ha i Erfahrig bracht, das der Cruiser pünktläch wird fertig wärdä😐

U i ha mi ufmacht quer äber d Inslä richtig Bastia wo am Abä d Fährä fahrt

....u het no glängt fürs standesgemässä Abendmahl....

...u Büäbu het säch äs kuschäligs Schlafplätzli igrichtet

U der ligurischä Küschtä entlang nach Imperia zu dä Elterä...

Ligurien

Nach zwöi abwächsligsrichä, schönä Wuchä uf Korsika si mir uf Ligurien für nä Wuchä d Elterä ga bsuächä. Ds Conny bini am nächschtä Tag ds Genua ga abholä. Si isch nachem Hochzit mitem Zug cho.

Ändläch mau ä standesgemässi Sicherig fürs Wildtier

Coppy rossi. Sehr gmüätlächi Location nöchi Imperia

Genuaner Highway oder ufem Wäg ds Conny am Bahnhof ga abzholä.

Gäbigi Hundetränkinä u Fuässwöschbecki hei si hiä🤔😊

Zur Feriäspäckbekämpfig hei mir üs i Sattu gschwungä u hei der schö Velowäg vo St. Stephano nach San Remo gfahrä.

Ja u am nächschtä Tag si mir uf nä Walewatchingtour. Spannendä Usflug wordä. Ä Drittu vo dä Gäscht het säch der Tag ufem Schiffli am Heck mit Plastiksäcki i dä Finger u vorem Schnörrli verchürzt. Und ja, i ha o derzuäghört🤢🙈

So hei mir immerhin der Abentürfaktor gha🤗

Ds Conny u d Mam hei säch tapfer ghautä.

Das isch ds Walekotzingschiffli. "All you can würg"

Walä hei mir keni gseh, derfür Delphinli🐬

Dä Teil wos no guät isch gangä. Uf nes Föttäli vom ungerä Deck hei mir im Sinn vo aunä Beteiligtä verzichtet😐

U mir si du liäber wieder uf üses Schiffli🙃

Zrügg ufem Land u mit feschtem Bodä unger dä Füäss si mir ga mangiare. Insbesondere für mi isch das ganz kommod gsi öppis i Magä z übercho😊

Tags darauf hei mir üs ufä Wäg is Hingerland gmacht u si ä auti Militärstrass gfahrä. Idrückläch was si früächer scho für Wägä hei bout. Gäb Müglächkeitä um Tag uf so Strassä z verbringä.

U wie immer chunnts uf dä Föttäli nid würkläch überä bzgl Steilheit.