Ischia 2022

… und noch kurz Rechnungen zahlen, das Auto umbauen dass die Velos Platz haben, die wollen aber noch geputzt und gepflegt werden vorher, packen, ach und ds Büssi muss auch noch zum Tierarzt (Milben) und mir fällt ein dass ich in Thun in der Garage noch wichtige Dinge vergessen habe die wir noch holen müssen und so geht der Start in die Ferien leicht gestresst los😬☺️
Aber das ist meist so vor den Ferien oder?

Und die grosse Frage; weiterhin CH-Deutsch oder Schriftdeutsch, den Blog?

… und doch noch geschafft, dass spät Abends das Gepäck ready ist.

… ds Conny ir Poleposition u no grad der Ghüder zum Container mitnäh☺️

Highwayridin‘ dür 🇮🇹 tuusend Kilometer 🚙💨

Irgend äs Dorf näb der Autobahn (eifach wöu mir no der Film hei müässä voll machä☺️)

…. und überhoupt wärdä Markierigä überbewärtet. Eifach was haut Platz het näbnang🤷‍♂️

u hiä der lebändig Bewis, NID alle Wege führen nach Rom🤓

Gnau zum Sunnäungergang si mir z Napoli am Hafä acho nach guät 1000km.

u so gö mir stolzen Schrittes mit äm nä Billet zrüg zum Outo wöu der Maa het gmeint o mir brüchi eis🤷‍♂️

Glückläch diräkt uf d Fährä ds chönnä isch der Toyota scho ganz chribbälig näb sinä Gspändli🧸

Zu däm Zitpunkt isch mir no nid bewusst gsi dass äs ä guätä Grund het dass aui anderä Outo rubd halb so gross si. Das wird säch uf der Inslä no änderä😁

u äbä, ässä isch ja ging chli ds Thema. Dasmau hei mir scho guäti Vorleischtig erbracht mit gemeinsam fett werden, zmingscht ig🙈

Mir si ersch am Abä am 10ni ufem Camping acho u hei der erscht bescht Platz zuägwisä übercho. Der Hagä, ds Schattäpavillon isch z tiäf gsi u üses Dachzäutli het mangels Bewegigsfreiheit usgseh wi nä 🎈wo grad d Luft usgeit😁 aber schlafä hei mir glich chönnä.

U am erschtä Tag si mir zersch mau grob ga d Inslä uskundschaftä.

… näb dä, nennä mirs spannendä Chrützigsmanöver, am nä missratnigä Parkplatzversuäch wo der Maa gmeint het (piu grande oder so) zeigt das Bild warum dass mir ds mit Abstand z gröschtä Auto uf der Fährä si gsi. Zum Glück hei mir 5mm dicki Stahlstossstangä😄

u so vergeit der erscht Tag in Ischia. No müäd vor Reis, aber schön🥰

Campingplätz hei mir zuägänigerwis o scho schöneri gha☺️ Aber da uf derä Inslä quasi ke Platz isch und das der einig Campingplatz isch gäbä mir üs o da dermit zfridä.🤷‍♂️

Derfür hei mir der Strand und Bar diräkt vor der Nasä👃

U chli gniässä, oder eher numä gniässä isch gloub ds Motto

U das mir üs glich no chli bewegä hei mit der Spatziergang uf Sant‘Angelo i Agriff gno.

„Üsi“ Bucht der Spiaggia dei Moranti u ds hingerscht üsä Camping

Sant‘Angelo hei mir verschwitzt erreicht trotz der enormä Hitz 🥵

Ä Beitz, di chunnt üs wi gruäfä ir maximal unpassendä u verschwitztä Nylonkluft🙈 si ömu nid usägschossä wordä u der Duft het säch dank däm dass mir si dussä ghocket o guät verteilt🤧😁

Kennsch am Mittag huärä gung ässä wägem Gwüssä u derfür am 3 wieder äs Schoggimüäsli hingerätischä😂

U das nid so gärn gseh wird we mä au Tag ufem Camping umäkurvet nähmä lir der Bus, was zuägähnigerwis o ganz kommod isch und d Parkplatzsuächi mit üsem dickä Land Cruiser erliächteret🐖

U der Usflug is Städtli Ischia isch erneut maximal schweisstribend und heiss gsi…

… aber nid minder schön. D Burgbesichtigung hei mir grosszügigerwis ussglah wöu astah bi 35C ar Sunnä wendlinger für üs isch.

… da luägä mir liäber Lichäwägä a😁 si hiä quasi Cabriolet. Weiss nid ob das isch dass si när grad ling si oder um der Duft fürä Fahrer z ersparä🤷‍♂️🙃

U bim verwilä am Hafä hei mir drüber sinniert ob mir am Bsitzer vor „Elisabeth“ wei ä Tuschhandel mitem Land Cruiser wei vorschlah. Mir si aber zum Ergäbnis cho dass mir das nid machä. Erschtens suft diä äuä no meh weder üsä Disel (was bi denä Moschtprisä nid z vergässä isch) u für überä Simplon isch si o nid gäbig, geschwigedenn dürä Lötschbärg. U uf aus ufä hättä mir öppä no öppis müässä ufzahlä.

Wes ums Ässä geit isch haut hiä scho ds Paradies😋

U so löh mir der Tag romantisch bim nä Glas Rotä am Strand la usklingä. Oder in Wahrheit hei mir huärä Hunger gha, si wäg däm zum Camping geilet und hei üs mit äm Antibumm semi erfolgrich gäg d Muggägsellschaft gwehrt während däm mir u Nacht hei gchöcherlet.☺️ aber wi würd das o tönä im Feriäblog.

U da fürä ä folgen Tag isch Rägä prognostiziert gsi hei mir das zum Alass gno üs ä Wellnesstag ir Therme z machä. So hei mir erneut der Fuässwäg uf üs gno u si uf Sant‘Angelo.

Dä Schwarz-Wiss Cheib wär di optimali Mischig zwüschä Jing und Yang. Da üs aber ke passendä Namä isch igfauä hei mir nä du glich nid mitgnoh…

U so hei mir der Tag ir Therme verbracht🧖‍♀️🧖‍♂️

Wasser vo 34 bis 42 Grad und 9 Pools löh kener Wünsch offä.

… nach däm ds Wätter het uftah. Sövu zur erschtä Tageshäufti.

U am Mittag hei mir üs ä feinä Lunch gönnt u Büäbu ä Thunfischburger übercho wo, sägä mir dütläch „saignant“ isch gsi.
Ds Conny hets o gseh und i ha mir mi Teil dänkt und, warum o immer, eifach gässä. Äuä wöu usgeprägtä Hunger😅
U mir isch dürä Chopf dasi ja Lachstartar scho öfters ha gässä und grosszügig usbländet ha dass äs ja nid Lachs sondern äbä Thon isch🤷‍♂️
Eh ja, das het derzuä gführt dasi ab Mitti Nami der Wellnesstag o zur „innerä Reinigung“ ha verwändet.
Cha aber iz us persönlächer Erfahrig sägä dass ä Liegestuhl ungerem Sunnäschirm dütläch bequemer isch fürä Nami z verbringä aus ä Thron im nä Ruum vou Muggä.😬🦟💩
Da diä aber langsam der Ladä hei wöuä zuätuä und mir no 3km hei wöuä zrüggloufä hei mir üs miterä gstohlnigä WC-Rollä im Gepäck ufä Rückwäg gmacht ghetzt vor Hoffnig ds Ziel ohni „Zwangsrast“ ds erreichä.🫣
So schnäu si mir i denä Feriä no niä glüffä und i bi wahrläch erliächteret gsi der Campingplatz erreicht ds ha. 🤤

U hüt aktualisieri der Blog u bi dankbar geits mir wieder top👍🙏😃

We ds schönschtä Fläckli ufem Camping der WC-Vorplatz isch🌵🌺

Ab ufä Monte Eponeo u mitem Land Cruiser di luschtigä Chrüzigsmanöver vouzogä. Nid aui Fahrzüginsassä si glich wohl gsi☺️ derfür het sächs glohnt u mir si im nä super Beizli acho…

…wär eis wett chas no bis am Mittwuch sägä😉…

… erinnerigä a so alti und richtigi und wichtigi Wisheitä…🧘‍♂️

No ä hurtigä Usflug ufem Rückwäg uf Forio…

… u mir i üsi nächschti Mahlzit stächä☺️

U bim zrüggcho hei mir quasi ds Campingupgrade erhaltä u si zwöi Reihä fürägrütscht so dass mir migottseel no Meerblich hei.🌊🚤🚢 bis im Dezämber rütschä mir womügläch sogar id Poleposition😉

U mängisch isches o ganz gmüätläch säuber z chochä. (Ömu für mi zmingscht😁)

„Wenn du mal wieder findest dein Zuhause sein ungemütlich, denk an diesen Gecko“🦎 😁

Capri

„Läsä wosch? Uf der wohl schönschtä Schiffahrt vo Europa?“ isch mini Reaktion wo ds Conny ds Buäch het ipackt für ufem Schiff.
Das zeigt mini verromantisierti Vorstellig vo üsem Tagesusflug uf Capri😁

Der erwartet Holzkutter mit äm nä grüän-wiss gstreiftä Sunnädächli und am nä Fährimaa mit sunnäverbrönnter Hut wo ging äs fründlächs Lächlä ungerem Schnouz füräzouberet het säch aus stattlächi Fährä mit bereits öppä 150 handygfessletä Touris mit sunnägröteter Hut und Drang nach Rang und Ehre ufem Schiff usägsteut🤷‍♂️

Derfür het der Schiffsdiesel ä richtig scharfä Ton gha💪😅😎

Mängisch isch mä eifach eini/einä vo viunä. Mir hei no säutä so nä Mönschämassä gseh, geschwige denn si zmittst dinn gsi.

Am Morgä wärdä tusendi Mönschä vo überau här uf derä Inslä usgläärt u am Abä mit dütläch weniger Chölä wieder igsammlet und abtransportiert. Denn blibt wieder Platz für die Schönä und Richä. (Was o erklärt warum mir zu denä ghört hei wo si wieder hei igsammlet😁)

Verchehrstenisch isch bis iz i denä Feriä immer aues super flowig gangä u o hiä hei mir grad der VIP Platz im Bus übecho👸🤴

Afang eifach mau schnäu furt uf Anicapri wo uf denä Höfer liegt🚀

Das si di klassischä Taxis ds Capri. Quasi Strech-Cabriolet Fiat Mareas (wär isch äch uf diä Idee cho settigi Schintinä aus Basis z näh🤦‍♂️)

I ha scho gmeint z Ischia sig äng, aber das hiä übertrifft aues bisher gesehene. Das spricht o für diä Art vo Warätransport.

Afang mau öppis ässä wo der Maga nid z hert belaschtet. Isch no chli agschlagä gsi vom Schifflifahrä😮‍💨 min nennä mirs Tomätäsossäteig het am Conny der Räscht vom Nami aus Alass diänet sich ging wieder chli luschtig ds machä über mi🤭

I lah eifach mau äs paar Impressionä dürä…

… schnäu verbi bevor dassi muäss ga büglä🫣

Wie immer uf Bilder chunnt o hiä ds Puff im Verchehr nid überä.

D Inslä isch aber würkläch sehr schön. U wär äs nätts Resort het und ä Rückzugsmüglächkeit het wird bestimmt tolli Feriä chönnä verbringä we abä d Touriboot furt si. U mir hei entschiedä der Fuässwäg für zrügg ds näh, ä dezänti Stägä wo zu gummigä Bei het gführt wo mir dunger si gsi.

… Drink bim Hafä u äm Gschehä zuäluägä….

Nach äm nä wunderschönä Abä mit feinem Ässä u shopping im Dörfli Ischia am Vorabä, wo der Akku vom Handy isch läär gsi😮‍💨, hei mir der letscht Feriätag ganz gmüätläch ufem Camping und am Strand verbracht🌴

Äs dezänts Zmittag isch ono dinn glägä wöu dä mit der Bademodä isch ja schliässläch iz für das Jahr glüffä😜

U am 05.30 si mir scho am Hafä gstangä um ds verladä. Stöh ja no öppä 1100km bevor für hüt🚀

Scho gschäftigs Tribä so früäch am Hafä. (U mir hei gmeint mir sigä de öppä allein so früäch z 🇮🇹 😁)

I bi sehr in Liäbi mit derä schönä Morgästimmig🌄

Zwüschähalt uf Procia wo suber uf der Bucketlist isch glandet👍

… u ds perfektä Sujet für näs Selfie het botä☺️

Muäss luschtig si uf dä Tragflächäboot🚀 u klingä düä si o vei sportläch😎

…. u während am im Hafä im Stou stah, drängt säch Guardia di finazia rächts mitem Auto dürä. Ds Conny meint nir so was diä äch so dringend vo üs wei. So si mir chli ufd Sitä gfahrä und d Herrä in Blau hei üs du wöuä mitteilä dass der eint in Züri geborä isch und wie schön dass äs isch dört. Und mir müässä umbedingt in Napoli äs Espresso trinkä, hiä gäbs der Feinscht wältwit.😂 So Erläbnis si der Grund warum dasi di Italiänischi Kultur liäbä🥰

Ufem Rückwäg het üses Auto no ä chlinä Geburi gha u mir heis mitem nä standesgemässä Ständli zelebriert🎤🎵🎶🎁 ds Foto isch natürläch vom Bifahrer gschossä wordä🙂

U di guäti Seelä het üs aus wunderbars Reisefshrzüg und Daheimä diänet🙏

Ischia 2022

Capri

"Das habe ich noch nie vorher versucht, also bin ich völlig sicher, dass ich es schaffe" Pipi Langstrumpf