Griechenland/Türkei 2015

Und weils so schön war im 2014, warum nicht im 15 nochmal, mit etwas mehr Zeit im Gepäck...

Na das kennt ihr ja schon vom Vorjahr...

Summer in progress:-)

Und viel zu früh bei der Fähre da die zu spät war...

Und mit 3 Stunden Verspätung pünktlich wie die Griechische Schuldenbegleichung...

Some romantic moments on the schiffli:-)

Git ja schins Lüt wo das Bärtli nid als so hübsch deklarierä;-)

U jedä wos aus Hingergrundbild nimmt schuldet mir ä Schnägg...

U d Kabinä hani ja "müässä" teilä. Zu mirä Freud mit nur eirä Person wo ke bulgarischä Outoschlepper isch gsi. Leider o nid mit Gina Wild, sondern mit äm nä Griäch, wo derfür am Morgä ä Angerä isch gsi aus dä wo am Abä isch dinn gsi😳

Äs isch offäbar ä Onkel gsi u si Neffe, wo in Deutschland ä Opel Astra kouft hei. Trotz Transport und 2000 Euro Steuern immer no günschtiger aus in Griächäland.

Ja si heis nid liächt im Momänt...

Maria und Karl, we will meet us again on the trip...

U der griächisch Wättergott isch grad grührt gsi dasi chumä...

Meteorakloster

U zum Lohn für d Wanderig ä Greek Salad😍

Ds gschuältä Oug erkennt dass unger derä Haarpracht äs Glätzi versteckt isch

Für diä wo säch liäber nid z hert säuber bemühä

Ja u hüt het Büäbu säch vorgnoh äs Offroadtürli z machä was säch o aus das entpuppt het.

We auso der Griäch ir Chartä schribt das ds Strässli äbä ke Outobahn sondern ä unbefestigtä Näbäfäudwäg isch meint är das o so...

Einisch müässä chehrä da der Wäg im nä Jungel isch gändet u on the second run ganz grob gändet mit Strassäusbrüch u Wassergräbä vom nä Meter tiäfä.

Äs paar Pix vo dä Steuä woni ä Hand ha frei gha;-)

Nach däm das Kastraki isch rekognosziert gsi und i a jedäs Chloschter ha anäbislet hani beschlossä witerzziäh. Richtig Pilion isch mir agratä wordä. Sigi no rächt ursprüngläch u wie Griächäland haut so sig gsi früächer.

U wöui kes passenders Ziel ha gha, bini däm Rat gfolgt und ufem nä Camping mit gfühltä 3000 Holländer, 2300 Allemannä, am nä Rudu Österricher u rä Hang vou Schwitzer glandet.

Suberer aus bi mir dahei. Jaja, das heisst nüt, i weiss.

Äbä Biudli weit dir ja luägä...:

Pilion

D Erkenntnis nach der Ufnahm vo folgendä Bilder: Im Navi niä "kürzeste Route" igäh z G. Das geit höchschtens mitem Trialtöff...

Die nächschti Passage isch no enger gsi=> Markiesä het ä Dachziegu demontiert u d Hüllä ä Schlitz u d Stossstangä het miterä griächischä Huswand kuschelet.

Bewisfoto hani kes, ha ja nid chönnä usstigä:-)

U hiä hei o Wachters igseh das äs äuä z äng wird...

Dä mit der Wändig isch o ä wahri Freud gsi

U irgendwenn glich no ufem Camping acho mit ganz akzeptabler Ussicht...

Der tägläch Kampf vom dütschä Campingurlouber. Nach 1,5 Stung a derä Schüsslä umäschrissä d Resignation u säch dermit abgfundä mit der Autä müässä ds redä. PS: natürläch standesgemäss mit dä Sockä i dä Birkästock:-)

Der Titu zum Camping-Pornstar 2015 geit eidütig a Hans F us D.....

U wöu Büäbu no is Dörfli isch het mä säch gwüssähaft am Sitäscheitu gwidmet...

U promt hets äs Schuppätier ufs Täuer gwäiht...

Ah ja, mis Radlager hani no müässä nachästeuä. Natürläch aus im Sinn vo Herr und Frou SUVA...

U da mir das uf däm Camping doch chli z bünzlig isch gsi, hani mi hüt därä Pilion Haubinsu agnoh. Erkenntnis: option "Unbefestigte Strassen" unbedingt deaktivierä im Navi. Ömu mitem nä normalä Schlittä oder mit Zitdruck.

30km=3 Stung. Aber luget säuber....

U scho wieder wirds gröber, wie chönnts angers si...

Das Föttäli isch entstandä nachdäm i z Fuäss bi ga uskundschaftä. Het aber nid viu gnützt. Churz druf abä weder vorwärts no rückwärts cho, usem Fänschter über d Motorhubä usgstigä u fundierti Zunpföschtä müässä usbuddlä u d Liäbesbedürfnis vo mirä Stossstangä (diä vom Outo natürläch) mitem nä verroschtetä Zuun deckt. Sorry Herr Sastiki wäg dim Zuun:-/

U irgendwenn a di gluschtigi Bucht glangt. Wär no ganz nätt ohni dä ganz Ghüder u stattdessä mit der Gina Wild derbi. Aber das Thema hei mir ja bereits gha..

Aber mir si ja nid i dä Feriä sondern im Frezitstress. Auso witer geits..

Der Touri, neeei, dä faut doch nid uf...

Ja Selfie, kennet dir ja oscho. Übrigens, mi Wiähnachtswunsch ä Selfiestick...

U ja, weiss wieder niämer wie si sächs vorsteuä...

Da machts sogar mit 3 Tonnä Spass z rasä...

U ganz wichtig: die zwe Liniä müässä sich immer ir Fahrzügmitti befindä...

No hurti im "Obi" äs Verlängerigskabu ga beschaffä...

Wie dir wahrschinläch heit gmerkt hani näbscht äm Föttäli ufäladä no chli gwiilät u ds Glas isch iz äbä läär. U das isch ä guätä Alass für is Chörbli:-)

Agios Ioannis

O nätt wes äs Melöni zur Rächnig derzuä git

Die Viehcher gits o hiä! Da chömä grad Heimatgfüäu uf:-)

Mini Schoggivorräht😱 muäss äuä langsam chehrä...

Istanbul, u're just crazy....

Ja u trotz auem simr du glich no richtig Istanbul ufbrochä.

Ä ehner asträngendä Wäg. D Outobahnä hei der namä nur sehr bedingt verdiänt u i bi mit 100 ging chli der Schnäuscht gsi. Komisches Gfüäu irgendwiä.

U der Gränzübertritt isch irgend o nid ganz glich wie für uf Dütschland. Chum öpper redt änglisch u i ha 4 Kontrollä müässä dürloufä. Aui hei Pass, Führerschin, Fahrzüguswis u die grüni Chartä wöuä gseh. U bir Ireis hani ä Stung müässä wartä woni nid ha chönnä usfindig machä warum u wie lang dass säch das no häräziäht. Das forderet Glassäheit....

Zu auer Fröid bini nach 20KM inä Polizeikontrollä cho wo wieder z ganzä Rösslispiu vo vor isch losgangä.

Wo wosch härä, u warum de, u wasi bügli, u obi allei ungerwägs sig, Alkohol oder Sigis etc...

Druf abä no 6 witeri Polizeikontrollä, wo mi aber nid hei usägnoh u vier Unfäu.

U irgendwo uf der Outobahn isch öppis cho, womi het im Entfärntischtä anä Zahlusteu het erinneret aber ohni Barrierä. U nach däm i bi dürägfahrä het mir äs Gfüä gseit i müäss glich mau ahaltä. Tatsächläch het mä dert quer über d Outobahn inäs Hüsli müässä ga nä Chläber mit Strichcode choufä wonä Art Prepaid Funktion het für Istanbul und Umgäbig. Nowbody knows was passiert wär weni eifach wär dürägfahrä...

But finally arrived well....

Het säch so i Gränzä ghautä mit "welcome"

U wemä ä schwarzi Wouchä entdeck, wo aber unnatürläch tiäf hanget, isch meischtens ä Laschtwagä der vermeintläch "Wättergott"

Numä ging entspannt blibä. Im Cruiser het mä gloub no chli Respäktsvorteilä bim dränglä;-)

U der Herr gönnt säch mau wieder äs Hotel (mit Air Condition;-)

U hiä schlaft mis Outo für 3 Täg. Good luck Missta...

Kulturschock nach dä einsamä Griächälandtagä...(u äch ds hübschä unger links?😂)

Blaue Moschee

U äs riesä Gwitter isch ufzogä. Einzigartigi Stimmig gsi...

U das isch d Hagia Sophia (oder so ähnläch:-)

U am Abä isch wieder schöner wordä u i bi no chli im Dörfli umägstreuneret...

Ja u hüt bini chli erholter gsi u ha mi däm Städtli chli entspannter chönnä Gägänüber steuä.

Angeri si du grad mitem Schiffli agreist...

U sogar ä Sugnapffischrobotter hei diä da..

U der erscht Fusstritt ufem Kontinänt wo mi Airmax isch zämägnäit wordä. Welcome home bröthers...

U der asiatisch Ischlag isch nid z überseh...

Links der Mac u rächts ds Migros, da füäut mä säch ja grad wie im bärner Oberland...

Söui äch der Toyota da no grad am Fachmah hurti zurä Durchsicht gäh?

U wöui ja wot ä feinä Buäb si weni wieder heichumä u nid derhär cho winä Strolch, bini no zum Kuoiför...

Ds Hightlight vom hütigä Tag. Kenä het änglisch chönnä bis uf nä Chund, wos o nid het chönnä, aber probiert. Drü Ching si während äm Schnidä um mi um gstangä u hei mi agluägt aus chiämti vom Jupiter.

Uf au Fäu isch a mim Chopf niänä meh äs Härli wo nid darf (inkl. Nasälöcher u Ohrä) u jedi Porä tiäfägreiniget.

U mi männläch Houzfäuerbart het säch zumenä gschläcketä Türkäbärtli gmauseret...

Nachdäm Frisur u Bart si gschnittä wordä, chunnt dä Schlingu no mit sorä heissä Paschtä. Aus hätts nid bim drufschmützgerä scho gnuä brönnt hets mir bim "Entfernä" fasch ds Näsi abgrissä. Gloub ha grad hurti Gsichtsfarb chli verlohrä. U ja, zwüschä dä Ougä isches ungwahnet rot. D Ursach derfür isch Epilierig mit zwenä verdräihtä Fädä. Mir tränä gloub iz no d Ougä. Aber lah amerkä hani mir trotz Hölläqualä natürläch nüt. Repräsentiärä ja schliässläch di hertä Schwitzer...

Ja fertig si mir no nid. Gsichtspeelig für mini Visaschä isch ufem Programm gstandä.. No agnähm, im Momänt...

Aber das laht mä lah tröchnä. Erschtens gsehts ja schreckläch us mit denä Löcher u när biiiists bim Tröchnä...

Jaja Giälä, ha mi gärn zu eurer Ungerhautig zur Verfüägig gsteut...

U Mr. Niceguy mit wähender Föntollä im Wind überem Bospurus...

U d Bospurusbrügg im Hingergrund. Wieso heisst äch diä so?

U da Stah zimli hert isch, bini du abglägä...

U nach au derä Asträngig hets mi nachemnä Dürüm gluschtet. Wär nid Englisch cha weiss säch z häufä...

U übercho hani das. Guät gsi, aber z Nächschtä nimi am nä Strassästand. Isch mir irgendwiä ds schläckig so...

U wemä ds weschtlächä Flair z hert vermisst geit mä eifach i sones Shoppincenter. Gseh glich us u het di glichä Brands wie daheimä. Het mi doch bau d Zit gröiht u bi nach 5 Min wieder uf der Gass gstangä...

Da gseht afang no einä sini Büätz bis am Wuchänänd...

Da findi doch der Tschiep no puristischer...

O we säch wahrschinläch ir Grammatik ä chlini Ungrieämtheit het igschlichä...

Ja u de bini du eis wieder ufs Schiffli richtig Europa (tönt super:-)

U ds Läbä geit wie im Ameisihuufä. Für mau ä ruhigä Momänt z ha isch die einzigi Müglächkeit im Hotelzimmer...

Bösi Zungä behouptä 3 Dürüm am Tag sigä zviu...

U ufem Näscht höcklä u Dattlä zum Dessert isch ja o super:-)

So gseht das Luxuryappartment übrigens us....

Zur grossä Überraschig isch mi Cruizer ono da...

Ääh, mit mim Fendt chani o ufd Chrinä weni scho sövu investiert ha:-)

Mini letschtä türkischä Lira verpuferet. Das isch übrigens Kebap....

Happy Birthday autä Fründ! Still goes strong...

Nach paar Täg weni zwüschämönschlächä Kontaktä bini uf nä Kommerzcamping u ha äs luschtigs Zürcherpärli lehrä kennä...

Kavala

Chalkidiki

Thessaloniki

In Thessaloniki hani ä Tramper wiedertroffä woni z Meteora ha mitgnoh. Der Plan wär gsi i si Geburtstag inäzfiirä, het schlussändläch aber nur ä churzes Znacht ergäh u i bi witerzogä richtig Olymp.

Thessaloniki isch ke empfählenswärti Stadt i minä Ougä, wie o aui angerä Städt in Griechenland.

Es si sehr viu Studäntä vo überau wo dert ihri Eurasmussemeschter verbringä u da Agebot dämentsprächend eher uf Party u billig aus uf Sightseeing wie für d Herrä im mittlerä Alter usgleit☺️